Վրաստանում կորցրել են Անկախության հռչակագրի բնօրինակը

Վրաստանում կորել է պատմական կարեւորագույն փաստաթղթի` 1991-ին ընդունված` երկրի անկախության վերականգնման մասին հռչակագրի բնօրինակը. ԶԼՄ-ներին հայտնել են մի քանի նախկին պաշտոնյաներ, մասնավորապես` խորհրդարանի քարտուղարության նախկին ղեկավար Համլետ Չիպաշվիլին:

Նրա վարկածով` բնօրինակը Ռուսաստան է տարել Վրաստանի առաջին նախագահ Զվիադ Գամսախուրդիան, երբ նրան ստիպեցին արտագաղթել երկրից. գրում է Известия-ն:

Վարկածներ կան, որ փաստաթուղթը Գրոզնիում է, որտեղ ապրել է Գամսախուրդիան, հնարավոր է` լինի նաեւ Մոսկվայում, որտեղ Գամսախուրդիայի մահից հետո բնակվել է նրա այրին:

Նախկին նախագահի հարազատներն այդ տեղեկությունները չեն հաստատում: Գամսախուրդիայի այրին ընդհանրապես հրաժարվել է շփվել լրագրողների հետ, իսկ որդին հայտարարել է, որ ոչինչ չգիտի: