Փոխարժեքներ
25 10 2024
|
||
---|---|---|
USD | ⚊ | $ 387.14 |
EUR | ⚊ | € 418.07 |
RUB | ⚊ | ₽ 4 |
GBP | ⚊ | £ 502.2 |
GEL | ⚊ | ₾ 141.94 |
«Ժողովուրդ» օրաթերթին ահազանգած ահազանգեց մի քաղաքացի և վրդովված պատմեց, որ Էջմիածնի Մայր տաճարի դիմաց գտնվող ավտոկայանատեղիում մեքենան 10 րոպե կանգնեցնելու համար 200 դրամ է վճարել. «Մտա եկեղեցի, մոմ վառեցի, դուրս եկա, ասում են՝ 200 դրա՞մ տուր, 10 րոպե կանգնել ես: Փաստորեն, Աստծո մոտ գնալն էլ են սարքել փողով: Էս ի՞նչ երկիր է»: «Ժողովուրդ»-ի թղթակիցն անմիջապես մեկնեց էջմիածին՝ ստուգելու՝ քաղաքացու դժգոհությունը որքանով է տեղին: Այնտեղ նաև մեր մեքենայից 200 դրամ գանձեցին Մայր տաճարի հարակից ավտոկանգառում կայանելու համար:
Խնդրի առնչությամբ Մայր աթոռի տեղեկատվական համակարգի տնօրեն տեր Վահրամ քահանա Մելիքյանն ասել է. «Այնտեղ համակարգիչ կա, որը ֆիքսում է, թե մեքենան երբ է մտնում և երբ է դուրս գալիս: Մինչև տասը րոպե կայանելն անվճար է, հենց տասը րոպեն լրացավ և թեկուզ մեկ վայրկյան, համակարգիչը հաշվում է այն և գանձում ընդամենը 100 դրամ: Յուրաքանչյուր ժամի համար գանձվում է 100 դրամ: Իսկ կտրոնը պարտադիր պետք է տան մեքենայի տիրոջը, որտեղ նշված է մեքենայի կայանատեղի մտնելու և դուրս գալու ժամանակահատվածը»: Իսկ ո՞ւր են գնում այդ փողերը: «Ժողովուրդ»-ի հարցին ի պատասխան՝ նա ասել է. «Կանգառը նոր է սկսել գործել, դեռ մեկ ամիս չկա, իսկ գումարները ծառայում են եկեղեցու գործունեության և ծրագրերի իրականացման նպատակով»:
Եվ այսքանից հետո վարչապետ Տիգրան Սարգսյանն ու ՀՀ էկոնոմիկայի նախարար Տիգրան Դավթյանը դեռ խոսում են զբոսաշրջության զարգացման մասին: Ահա թե ինչպես են զբոսաշրջիկներին գայթակղում սուրբ քաղաքում. եզրակացնում է թերթը: