Հոգեւոր արժեքների պահպանությունը` առաջին պլանում

Այսօր «Հովհաննես Իմաստասեր Կաթողիկոս Օձնեցի» բարեգործական հիմնադրամը, Հայաստանի գրողների եւ նկարիչների միությունները համաձայնագիր ստորագրեցին` պարտավորվելով Հայաստանի պատմամշակութային ժառանգության պահպանման, ամրակայման եւ վերականգնման համար իրենց ներդրումն ու աջակցությունը ցուցաբերել:

ՀԳՄ նախագահ Լեւոն Անանյանը նշեց, որ պետք է հասարակության տարբեր շերտերին մշակութամերժ հասարակությունից դարձնել մշակութակենտրոն. «Համաձայնագիրը ցույց է տալիս, որ ստեղծագործական միությունները պատրաստ են նպաստել հոգեւոր կապերի ամրացմանը»:

«Հովհաննես Իմաստասեր Կաթողիկոս Օձնեցի» բարեգործական հիմնադրամի գործադիր տնօրեն Վանուշ Շերմազանյանը համարում է, որ համաձայնագրի միջոցով մի շարք խնդիրներ կլուծվեն, քանի որ դրա իմաստը հոգեւոր արժեքներ վերականգնելու մեջ է: