Պալմիրան վտանգված է

Պատմական հսկայական նշանակություն ունեցող հազարամյա Պալմիրան վտանգված է Սիրիայում տեղի ունեցող իրադարձությունների պատճառով: Տեղի բնակիչներից մեկը սիրողական տեսանյութ է պատրաստել, որից երեւում է, թե ինչպես է ականանետային ռմբակոծությունից վնասվել Բելի տաճարը, որը թվագրվում է մ.թ. առաջին դարով:

«Ապստամբները տեղաբաշված են քաղաքի շուրջ: Նրանք թաքնվում են անապատում եւ գիշերները հարձակվում կառավարական ուժերի վրա»,- ըստ mignews.com-ի` պատմել է  տեղաբնակը` խուսափելով նշել իր անունը:

Իսկ Ասադի ուժերը տեղաբաշխվել են զբոսաշրջիկների համար նախատեսված հյուրանոցներում, զբաղեցրել են նաեւ հռոմեական ամֆիթատրոնը եւ դիպուկահարներ տեղակայել դրա քարերի պատերի հետեւում: