Քննարկման փուլում է գազի թանկացման հարցը

Մեկ տարուց ավելի է՝ ըստ Պետական եկամուտների կոմիտեի հրապարակած տեղեկատվության, Հայաստան ներմուծվող 1000 խմ բնական գազի գինը կազմում է 230-240 դոլար. գրում է «168 Ժամը»:

Սակայն, նշում է թերթը, նախագահական ընտրություններից առաջ գազի սակագինը չէր բարձրանում: «168 ժամի» տեղեկություններով, այժմ իշխանությունները փորձում են նոր սակագին ներկայացնել: Մի կողմից՝ այն պետք է գոհացնի «Գազպրոմին»՝ որպես բաժնետիրոջ, և չի կարող աննշան քիչ բարձրանալ:

Մյուս կողմից՝ գազի զգալի թանկացումը կարող է ավելի խորացնել երկրում սոցիալական լարվածությունը: Ուստի, գրում է թերթը, այժմ քննարկման փուլում է այն տարբերակը, ըստ որի, գազը բնակչությանը կվաճառվի 170-190 դրամով՝ ներկայիս 132 դրամի փոխարեն: Իսկ իրավաբանական անձանց մատակարարվող գազի սակագինն ավելի բարձր կլինի: