Փաստորեն ճիշտ էր. ՊԳԿ-ից հաստատում են, որ ԵՊՀ-ի մի հատվածի օտարման հարցը քննարկման փուլում է. Կարեն Հեքիմյան

Փաստորեն ճիշտ էր. Մի քանի օր առաջ տեղեկություն էի ստացել, որ օրվա իշխանությունները պատրաստվում են օտարել (վաճառել) ԵՊՀ-ի որոշ հատվածը: Այս մասին Facebook-ի իր էջում գրել է «Քաղաքացու իրավունքների պաշտպան» ՀԿ ղեկավար Կարեն Հեքիմյանը:

Նա, մասնավորապես, նշել է. «Ըստ նույն աղբյուրների, օտարված (վաճառված) տարածքում գնորդը պատրաստվում է հյուրանոց կառուցել:

Ի պատասխան «Քաղաքացու իրավունքների պաշտպան» ՀԿ-ի հարցման, ՀՀ Պետական գույքի կառավարման կոմիտեն հաստատում է, որ ԵՊՀ-ի մի հատվածի օտարման հարցը քննարկման փուլում է:

Դե ինչ: Եթե սրանք մի բան են քննարկում, ուրեմն անպայման վաճառելու են: Չեն կարող չվաճառեն: Այսպիսին է այս իշխանությունը: Եթե 187 գյուղի, 6 քաղաքի կորուստը մարսեցին, ապա ԵՊՀ-ի մի հատվածի վաճառքն ի՞նչ է, որ չմարսեն»: