''Մաքդոնալդս''-ին մեղադրում են մանկատան երեխաների շահագործման մեջ

Արագ սննդի  «Մաքդոնալդս» ռեսոտրանային ցանցին խստորեն քննադատել են Հարավաֆրիկյան Հանրապետության բնակիչների համար ստեղծված գովազդային հոլովակի համար: Դրա գլխավոր հերոսները Քեյփթաունի մանկատան երեխաներ են եւ ծերանոցի բնակիչները. գրում է Daily Mail-ը:

Ըստ հոլովակի սյուժեի`մանկատան դաստիարակչուհին առավոտյան արթնացնում է երեխաներին եւ նրանց անակնկալ խոստանում: Դրանիցի հետո երեխաները ինչ-որ տեղ են գնում ավտոբուսով եւ անչափ ուրախանում` տեսնելով «Մաքդոնալդս»-ի ցուցանակը: Երեխաները դրամարկղի մոտ մեկական պաղպաղակ են ստանում, այնուհետեւ դրանք տանում ծերանոցի տարեց բնակիչներին:

Քննադատները հայտարարել են, որ էթիկայի սահմաններից դուրս է` առեւտրային նպատակներով շահագործել մանկատան երեխաներին, ավելին` այցը ռեստորան մեկ անգամ է եղել, ընդ որում` նկարահանման նպատակով: