Մանկատան նախկին սանը խեղդամահ է արել իր երեխաներին (թարմացված, տեսանյութ)

Ոստիկանության Արարատի բաժնում երեկ երեկոյան մի կնոջից հաղորդում է ստացվել, որ նույն օրը` ժամը 22.10-ին, իրեն է զանգահարել հարևանը եւ հայտնել, որ 34-ամյա Ռոզա Ալոյանը տանը վնասել է իր երկու դեռահաս երեխաներին եւ, փակելով դուռը, հեռացել է:

Ինչպես տեղեկացնում են ոստիկանությունից, մեկնած օպերատիվ խումբը նշված բնակարանում հայտնաբերել են 6-ամյա Վարդան եւ 4-ամյա Հայկ Ալոյանների դիակները` խեղդամահ վիճակում: Ոստիկանությունն արդեն հայտնաբերել է Ռ. Ալոյանին եւ բերման է ենթարկվել: Կինը հայտարարել է, որ նույն օրը` ժամը 12.00-ի սահմաններում, տանը սավանի կտորներով խեղդամահ է արել իր երկու երեխաներին և կախել: Մայրը որդիներին կախելուց հետո իջեցրել է, պառկեցրել մահճակալին` կողք կողքի, ու վերմակով ծածկել:

Իրավապահները մարդասպան մոր տանը հայտնաբերել են մեծ քանակությամբ տարբեր աղանդների պատկանող գրականություն:

Yerkir.am-ի տեղեկություններով` Ռոզա Ալմոյանը մանկատան նախկին սան է, եւ զարմանալի է, թե ինչպես է ծնողական սիրուց զուրկ եղած մարդը ձեռք բարձրացրել սեփական երեխաների վրա, այն էլ` այդքան դաժանաբար:

Ռոզա Ալոյանը ձերբակալված է: Կատարվում է նախաքննություն: