Գազի գնի շուրջ բանակցություններն ավարտական փուլում են

ԱԺ-ում կառավարության ուղղված հարցուպատասխանից հետո լրագրողները էներգետիկայի եւ բնական պաշարների նախարար Արմեն Մովսիսյանից փորձեցին պարզել` ի վերջո, գազի գինը բարձրանալո՞ւ է, թե՞ մնալու է անփոփոխ: Նախարարը հերթական անգամ հայտարարեց, որ բանակցությունները դեռ չեն ավարտվել, երբ ավարտվեն՝ այն ժամանակ էլ կասեն: Նա նշեց, որ այս պահին որեւէ բան բացառել չի կարող:

«Բանակցություններն արդեն ավարտական փուլում են, շուտով պարզ կլինի»,- հայտարարեց նախարարը:

Yerkir.am-ի դիտարկմանը, թե ինքը մնալո՞ւ է իր պաշտոնում, ինչպես մի շարք նախարարներ, Մովսիսյանը պատասխանեց. «Դա ես չեմ որոշում, կուսակցությունն է որոշում»:

Մեր ճշտող հարցին՝ կուսակցությո՞ւնն է որոշում, թե՞ ՀՀ եւ ՀՀԿ նախագահ Սերժ Սարգսյանը, նախարարը պատասխանեց՝ կուսակցությունը: