Սյունիքի մարզպետի փոխարեն ներկայացան Վոլոդյան ու Մագդան

Րաֆֆի Հովհաննիսյանը Սյունիքի մարզում հանդիպում ունեցավ Կապան քաղաքի բնակիչների հետ: «Ժառանգության» ղեկավարը կոչ արեց Սյունիքի մարզպետին` դուրս գալ:

«Այն, որ Սյունիում կեղծված տվյալներով հաղթեց Սերժ Սարգսյանը, ուրեմն ես դիմացի մայթի պաշտոնյայի հրաժարականն եմ պահանջում»,-հայտարարեց նա և հավելեց.

«Ես հարգում եմ պարոն մարզպետի անցյալը, նրա դերն արցախյան ազատամարտում, սակայն փետրվարի 18-ին ժողովուրդն ինքն է ընտրել իր նախագահին»:

Րաֆֆի Հովհաննիսյանի ելույթը ընդհատեց Մագդա անունով մի կին, ով բացահայտ ընդգծելով իր համակրանքը Սուրիկ Խաչատրյանի նկատմամբ, հայտարարեց.

«Սյունեցին այնքան մեծ հայրենասեր է, որ կարողացել է իր սահմանները պաշտպանել, ես թույլ չե'մ տալ , որ Դուք և ժողովուրդը պահանջեք հայ ազատամարտիկի հրաժարականը»:

Կնոջ այս  հայտարարությունը դժգոհության ալիք բարձրացրեց կապանցիների շրջանում և նրանք վանկարկեցին` «ամո’թ»:

Սակայն Րաֆֆի Հովհաննիսյանը մինչև վերջ լսեց կնոջը ,ասաց, որ հարգում է նրան և կողմնակից է ազատ խոսքի արտահայտմանը:

Նա կրկին կոչ արեց Սյունիքի մարզպետին` գալ հրապարակ և ժողովրդի առջև խոսել, սակայն այդպես էլ մարզպետը չժամանեց:

Փոխարենն իրար հետևից Հովհաննիսյանին էին մոտենում քաղաքացիներ և փորձում պաշտպանել մարզպետին, սակայն նրանց խոսքն անմիջապես խլացնում էր հազարովոր կապանցիների բողոքի ձայնը:

Մի քաղաքացի, ով հետո պարզվեց մոտական խանութներից մեկի սեփականատերն էր, նշելով, որ ինքը որևէ կուսակցության չի պատկանում, հարց ուղղեց Րաֆֆի Հովհաննիսյանին, թե որ երկրի կոմնակիցն է ` Ամերիկայի, թե Ռուսատանի:

Այս առնչությամբ Րաֆֆի Հովհաննիսյանը ևս մեկ անգամ ընդգծեց բազմիցս հայտարարծ այն տեսակետը, որ ինքը կողմնակից է երկու երկրների հետ լավ հարաբերություներ ունենալու և ասաց, որ թույլ չի տա , որ որևէ մեկն իրեն հայրենասիրության դասեր տա:

Սակայն մարդիկ կասկածում էին, որ Հովհաննիսյանին հարց ուղղած քաղաքացին, ում անունը Վոլոդյա է, տեղական իշխանություների ներկայացուցիչն է:

Ինչևիցե «Ժառանգության» առաջնորդը ելույթի ավարտին կապանցիներին հրավիրեց փետրվարի 28-ին Ազատության հրապարակում կայանալիք հանրահավաքին:

Այնուհետև Րաֆֆի Հովհաննիսյանն իր համակիրների ուղեկցությամբ ուղևորվեց դեպի Գարգին Նժդեհի գերեզման: