''Ռեալ''-ը տակտիկապես հաղթեց ''Բարսելոնա''-ին. Կասիլիաս

Մադրիդի «Ռեալ»-ի դարպասապահ և թիմի ավագ Իկեր Կասիլիասը, ով ակումբի գլխավոր մարզիչ Ժոզե Մոուրինիոյի  փոխարեն եկել էր հետխաղյա ասուլիսին, խոսել է Արքայական գավաթի`  «Բարսելոնա» - «Ռեալ» հանդիպման մասին:

«Իմ թիմակիցները հիանալի  խաղ անցկացրին: Նրանք վերահսկում էին խաղը դաշտի ողջ տարածքում: «Ռեալ»-ը տակտիկապես հաղթեց «Բարսելոնա»-ին և արժանիորեն դուրս եկավ եզրափակիչ: 

Ինչ վերաբերում է Կրիշտիանու Ռոնալդուին, նա այսպիսի հանդիպումների կենտրանական օղակն է և հիանալի է խաղում: Հիմա պորտուգալացին լավագույն մարզավիճակում է, մենք պետք է օգտվենք դրանից»,- ասել է իսպանացին:

Վերջում Կասիլիասը բացատրել է, թե ինչու է  ինքը եկել ասուլիսին Մոուրինիոյի փոխարեն.«Մենք որոշեցինք, որ ճիշտ ժամանակն է` թիմի ավագին դուրս գալու և շնորհավորելու թիմակիցներին: Սա որոշվեց հանդերձարանում: Հուսով եմ` ձեզ չհոգնեցրի»: