Սահակաշվիլին թիկնազոր չի ունենա

Վրաստանի նախագահ Միխայիլ Սաակաշվիլին հրաժարվել է պետական անվտանգության ծառայությունից: Lent.ru կայքի համաձայն` այս մասին հայտարարել է նախագահի մամուլի խոսնակ Մանանա Մանջգալաձեն: Նա նաեւ շեշտել է, որ սա չի ազդի Սաակաշվիլի օրակարգի վրա, եւ նա կշարունակի ճանապարհորդել եւ հայտնվել Վրաստանի քաղաքացիների առջեւ:

Մանջգալաձեի խոսքով` ավելի վաղ Բիձինա Իվանիշվիլիի կառավարությունը առաջարկել էր նախագահին ուժեղացնել նրա թիկնազորը, եթե Սահակաշվիլին համաձայներ փոփոխություններ մտցնել Սահմանադրությունում: Վրաստանի խորհրդարանում մեծամասնություն կազմող «Վրացական երազանք» կուսակցության անդամները ցանկանում են այնպես անել, որ երկրի ղեկավարը զրկվի խորհրդարանը ցրելու իրավունքից, եւ որ նախագահի կողմից նշանակված կառավարության կազմը հաստատվի խորհրդարանի կողմից: