Սահակաշվիլին բարկացել է Վրաստանի Շրջակա միջավայրի նախարարության վրա

Վրաստանի նախագահ Միխաիլ Սահակաշվիլին հանձնարարել է վերակազմավորել Շրջակա միջավայրի պահպանման եւ բնական պաշարների նախարարությունը: Երեկ տեղի ունեցած կառավարության նիստում Սահակաշվիլին մեկնաբանել է Անտառային գործակալության ղեկավար Պապուն Խապչիձեի ձերբակալությունը՝ կաշառակերության և ֆինանսական կեղծարարություններ անելու համար՝ այդ փաստը  «տխուր» անվանելով:

«Չգիտեմ՝ Խապչիձեին ուղղված մեղադրանքները հիմնավորված են, թե ոչ, բայց այն, որ այս գրասենյակում անկարգություն և անօրինականություն է, ես դրանում չեմ կասկածում»,- ասել է Սահակաշվիլին:

«Համակարգում, որտեղ աշխատում է 300 մարդ, ձերբակալվել է 110-ը: Սա նշանակում է, որ բաժնի աշխատակիցների մեկ երրորդը հանցագործներ են: Այս նախարարությունում ամեն ինչ պետք է վերափոխվի, գործառույթները պետք է վերահասցեավորված լինեն: Բնականաբար, շատերը ստիպված կլինեն հեռանալ»,- ասել է Սահակաշվիլին: