Գալուստ Սահակյանը վիրավորվեց ''նախագահը կհանդիպի՞ Րաֆֆի Հովհաննիսյանի հետ'' հարցից

ՀՀ նախագահ Սերժ Սարգսյանի մամլո քարտուղար Արմեն Արզումանյանը Panorama.am-ի հետ զրույցում չի բացառել Սերժ Սարգսյան-Րաֆֆի Հովհաննիսյան հանդիպումը եւ հայտարարել է, որ այժմ էլ նախագահը պատրաստակամ է ընդունել Րաֆֆի Հովհաննիսյանին նրան հարմար ցանկացած ժամի:

Yerkir.am-ի հետ զրույցում ՀՀԿ փոխնախագահ Գալուստ Սահակյանը քիչ հավանական համարեց նման հանդիպումը: Նա նախ հայտարարեց, որ Րաֆֆի Հովհաննիսյանն ընտրել է «հնոտի մոդել», հետո էլ վստահեցրեց, որ նոր  ժամանակաշրջանում ենք ապրում, եւ վերջնագրերի լեզվով խոսելու սցենարներն օգտակար չեն, թեեւ բոլորն են փորձում կիրառել:

«Ի վերջո, կհանդիպի՞ Սերժ Սարգսյանը Րաֆֆի Հովհաննիսյանի հետ» հարցին ի պատասխան, Գալուստ Սահակյանը հայտարարեց. «Ես վիրավորվում եմ, որ նման հարց եք տալիս: Սովորաբար հաղթողին են առաջարկում, որ իրենք գնան եւ հանդիպեն եւ ոչ թե նախագահը գնա: Նախագահը հպարտ է իր ժողովրդով եւ իր թիմով: Ովքեր կցանկանան, կարող են խոսելու, բանավիճելու հնարավոր հայտեր ներկայացնել»: