Ռուբեն Հակոբյանին բերման չեն ենթարկել, հրավիրել են

Քիչ առաջ yerkir.am-ը տեղեկություն էր տարածել, որ «Ժառանգություն» խմբակցության՝ Գյումրիում գտնվող ղեկավար Ռուբեն Հակոբյանը բերման է ենթարկվել ոստիկանություն:

Yerkir.am-ի հետ զրույցում ՀՀ ոստիկանության լրատվական բաժնի պետ Արմեն Մալխասյանը նշեց, որ Հակոբյանին բերման չեն ենթարկել, այլ հրավիրել են բաժին, որտեղ վերջինս բացատրություն է տվել Գյումրու 34/36 տեղամասում տեղի ունեցած միջադեպի առնչությամբ: Միջադեպի հանգամանքները ճշտվում են, ոստիկանությունում նյութեր են նախապատրաստվում:  

Սակայն Գյումրիի ոստիկանությունից  հերքել էին միջադեպի մասին լուրը` նշելով, որ իրենց մոտ մինչ այժմ ոչ ոքի չեն հրավիրել:

Հիշեցնենք, որ հիշյալ տեղամասում միջադեպ է տեղի ունեցել ՀՀԿ-ական պատգամավոր Սուքիաս Ավետիսյանի և Ռուբեն Հակոբյանի միջև, ինչի արդյունքում հանձնաժողովի նախագահն ահազանգել է ոստիկանություն, որտեղից պատգամավորներին տարել են ոստիկանություն` բացատրություն տալու: Երկուսն էլ արդեն դուրս են եկել ոստիկանությունից: