Հանձնաժողովների ոչ բոլոր անդամներն են տեղամաս ներկայացել

Փետրվարի 18-ի առավոտյան ընտրատեղամաս չեն ներկայացել ընտրական հանձնաժողովների 126 անդամներ: Այդ մասին ասուլիսում հայտնել է ԿԸՀ նախագահ Տիգրան Մուկուչյանը: Նախապատրաստական աշխատանքներն իրականացնելու նպատակով դեռ ժամը 7:00-ին բացված ընտրատեղամասերը ժամը 08:00-ից սկսել են ընդունել քվեարկության մասնակիցներին: 41 ընտրական հանձնաժողովների 1988 տեղամասերից միայն 7-ը չեն սկսել քվեարկությունը. դրանք քրեակատարողական հիմնարկներն են, որոնցից մեկում քվեարկությունը կկայանա ժամը 10:00-ին, մյուս 6-ում՝ 17:00-ին:

«Փորձարկվել է թանաքանյութը, որը նախորդ ընտրության ընթացքում ամենաշատ շահարկված թեման էր, եւ ընտրական հանձնաժողովները, թանաքի հետ կապված, առայժմ որեւէ ահազանգ չեն ստացել»,- ասել է Տիգրան Մուկուչյանը: