Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Սերժ Սարգսյանի խոստացած «ապահով Հայաստանում» ապահովագրված չեն անգամ ՀՀԿ-ականները: Երեկ Երևանի Հյուսիսային համալսարանի դահլիճում կայացած մրցանակաբաշխության ժամանակ կոտրվել է առաջին շարքի նստարանը, ու նստածները՝ Ս. Սարգսյանի խորհրդական, ծանրամարտի չեմպիոն Յուրի Վարդանյանը, Աժ ՀՀԿ-ական պատգամավոր Սուքիաս Ավետիսյանն ու Հայաստանի պետական տնտեսագիտական համալսարանի նախկին ռեկտոր, ակադեմիկոս Յուրի Սուվարյանը, տապալվել են գետնին:
Յուրի Վարդանյանին հաջողվել է ինքնուրույն բարձրանալ ընկած տեղից, իսկ ահա Սուքիաս Ավետիսյանին գետնից բարձրացրել են կանայք եւ Հյուսիսային համալսարանի ռեկտորը: Իսկ Յուրի Սուվարյանին տապալվելուց փրկել է նրա հետևում գտնվող դատավոր Սերժիկ Ավետիսյանը՝ ափերով բռնելով նրա նստուկը:
Բայց կատարվածը միակ զավեշտը չէ: Այդ հանդիպման ժամանակ ոչ պետական բուհում աշխատանքային ժամին մասնակիցներն իրենց «սուրբ պարտքն» են համարել քարոզչություն անել՝ հօգուտ Սերժ Սարգսյանի: Այս մասին գրում է «Ժողովուրդ» օրաթերթը