Իտալիայի A սերիա. "Միլան"-ը զիջեց դիրքերը

Իտալիայի A սերիայի 24-րդ տուրի շրջանակներում առաջնության առաջատար «Յուվենտուս»-ը հանդիպեց «Ֆիորենտինա»-ին և 2:0 հաշվով  առավելության հասավ:

Գոլերը հեղինակեցին Վուչինիչը և Մարտին` համապատասխանաբար 20 և  41-րդ րոպեներին: 

 «Ինտեր»-ը հյուրընկալել էր «Կիևո»-ին և նույնպես առավելության հասավ` 3:1:

Գոլերը` Անտոնիո Կասանո 2', Անդրեա Ռանոկիա 26', Դիեգո Միլիտո 50'– Լուկա Ռիգոնի 21'

Այս հաղթանակից հետո «Ինտերը» հավաքեց 43 միավոր եւ շրջանցեց  «Միլանին»՝ բարձրանալով  չորրորդ հորիզոնական: 

Իսկ «Միլան»-ը մրցակցի խաղադաշտում ոչ ոքի խաղաց  «Կալիարի»-ի հետ:

Առաջին խաղակեսի վերջնամասում կոլումբացի հարձակվող Վիկտոր Իբարբոն առաջ մղեց «Կալյարի»-ին: Սակայն դաշտի տերերին վիճակված չէր հանդիպումը հաղթական ավարտել: 81-րդ րոպեին «Կալիարի»-ի պաշտպան Դավիդե Աստորին հեռացվեց խաղադաշտից, իսկ «Միլան»-ի նորեկ Մարիո Բալոտելին անվրեպ իրացրեց 11 մետրանոցը` դրանով իսկ հավասարեցնելով խաղի հաշիվը:

Հռոմի «Ռոմա»-ն հյուրընկալվելիս 1:3 հաշվով պարտվեց Ջենովայի «Սամպդորիային»: