Ա սերիա. «Միլան»-ը 3-րդ անընդմեջ հաղթանակը տոնեց

 Իտալական Ա սերիայի 32-րդ տուրում երեկ տեղի ունեցավ 2 հանդիպում:

«Միլան»-ը հյուրընկալվեց «Ջենովա»-ին:  20-րդ րոպեին Ադել Տաարաբտի գոլի շնորհիվ կարմրասևերը առաջ անցան հաշվի մեջ:  56-րդ րոպեին Կեյսուկե Հոնդան կրկնապատկեց իր թիմի առավելությունը: 74-րդ րոպեին «Ջենովա»-ի ֆուտբոլիստի հարվածից հետո գնդակը ետ մղվեց դարպասաձողից, դիպավ դարպասապահ Աբիատիին և հայտնվեց դարպասում: Արձանագրվեց ինքնագոլ: Միլանցիները հաղթեցին 2:1 հաշվով: Սա Զեեդորֆի սաների 3-րդ անընդմեջ հաղթանակն էր: Այս հաղթանակից հետո «Միլան»-ը միավորների քանակը հասցնում է 45-ի և զբաղեցնում 11-րդ տեղը:

«Յուվենտուս»-ը, որը գլխավորում է մրցաշարային աղյուսակը, սեփական հարկի տակ 2 անպատասխան գնդակ ուղարկեց «Լիվորնո»-ի դարպասը:  32-րդ և 35-րդ րոպեներին գոլերի հեղինակ է դարձել Լորենտեն:  «Յուվե»-ն այժմ ունի 84 միավոր և 2-րդ հորիզոնականում գտնվող «Ռոմա»-ին գերազանցում է  8 միավորով: