Անդրիաս Ղուկասյանի մոտ բարդություններ կառաջանան. Դ. Դումանյան

Առողջապահության նախարար Դերենիկ Դումանյանն այսօր այցելեց ՀՀ նախագահի թեկնածու Անդրիաս Ղուկասյանին:

Դումանյանը Ղուկասյանին հորդորեց դադարեցնել հացադուլը, քանի որ կարող է լուրջ վնաս հասցնել առողջությանը: Սակայն, ի պատասխան հորդորին, Ղուկասյանը նշեց, որ իրեն լավ է զգում եւ չի հրաժարվի պայքարի այս ձեւից:

«Բանն այն է, որ երբ մարդ հացադուլ է անում, 20-րդ օրվանից սկսած` օրգանիզմում կարող են տեղի ունենալ լուրջ փոփոխություններ, եւ մենք պարտավոր ենք թեկնածուին տեղյակ պահել, թե հնարավոր բարդությունների դեպքում ինչ միջամտությունների կարիք կլինի: Սակայն նման պայմաններում հնարավոր չէ հետազոտում իրականացնել: Ես խնդրեցի Ղուկասյանին` առաջիկա օրերին հետազոտվել ցանկացած կլինիկայում»,- ասաց նախարարը: