GMail-ը խախտում է օգտատերերի գաղտնիությունը. Microsoft

Ամերիկյան Microsoft ընկերությունը նոր արշավ է սկսել Google-ի դեմ: dailytech.com կայքի համաձայն` այդ գովազդային արշավը կրում է Scroogled անվանումը եւ նպատակ ունի մարդկանց ապացուցել, որ Google-ը խախտում է GMail-ի օգտատերերի գաղտնիությունը: Մասնավորապես` որոնողական համակարգն ավտոմատ կերպով սքանավորում է անձնական նամակագրությունները և դրանց հիման վրա տրամադրում գովազդային բաներներ:

Հատկանշական է, որ Microsoft-ը խորհուրդ է տալիս օգտագործել իր համակարգերից մեկը` Outlook-ը, որն ավելի ապահով է:

Համացանցում արդեն հայտնվել է մի տեսանյութ, որտեղ նկարագրվում է, թե ինչպես է GMail-ն օգտագործում իր օգտատերերի ստացած եւ ուղարկած նամակները: