Այաթոլլա Խամենեին հրաժարվել է ԱՄՆ-ի հետ բանակցություններից

Իրանի գերագույն հոգեւոր առաջնորդ այաթոլլա Ալի Խամենեին հրաժարվել է միջուկային ծրագրի վերաբերյալ ԱՄՆ-ի հետ ուղիղ բանակցություններ վարել. տեղեկացնում է France Presse-ը:

«Դուք (ամերիկացիները) ցանկանում եք բանակցել` Իրանի դեմ ուղղելով ձեր զենքը: Իրանի ժողովրդին նման գործողություններով չես վախեցնի: Ոմանք ուրախանում են բանակցությունների առաջարկից, սակայն դրանք ոչինչ չեն որոշի»,- հայտարարել է Խամենեին:

Անցյալ շաբաթ Մյունխենում անվտանգության գագաթաժողովում ԱՄՆ փոխնախագահ Ջո Բայդենը հայտարարել էր, որ Վաշինգտոնը չի հրաժարվի Իրանի հետ ուղիղ բանակցություններից, սակայն ցանկանում է, որ հանդիպումը կոնկրետ օրակարգ ունենա: