Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Այսօր տեղացած առատ ձյունը, ինչպես միշտ, անակնկալ էր հատկապես Երևանի քաղաքապետարանի համար: Առավոտյան աշխատանքի և դասի շտապող մարդիկ դարձյալ բախվեցին գերծանրաբեռնված երթուղայինների ու խցանված մեքենաների խնդրի հետ:
Օրինակ` Ավան համայնքի Խուդյակով փողոցում, որտեղ ամեն քայլափոխի ՀՀ գործող նախագահ, նախագահի թեկնածու Սերժ Սարգսյանի նախընտրական շտաբներն են, Yerkir.am-ի լրագրողն ականատես է եղել, թե ինչպես են տասնյակ մեքենաներ խրվել ձյան մեջ: Նրանց օգնության էին հասնում պատահական անցորդները: Տեղից չշարժվող մեքենաների պատճառով խցանման մեջ էր հայտնվել նաև պաշտպանության նախարարության ավտոբուսներից մեկը, որում եղած մարդիկ պատրաստակամորեն իջան և օգնեցին իրենց ճանապարհը փակած մեքենան դուրս հանել ձնակույտից:
Ինչպես երևում է` այս երկրում ամենաուշը քնից արթնանում են քաղաքապետարանի աշխատակիցները: Ոչինչ, եթե անգամ նրանք էլ ոչինչ չանեն ձյան պատճառով կաթվածահար եղած երթևեկը կարգավորելու համար, ապա քաղաքացիները կան ու կան: