"Միլան"-ը հաղթեց, Բալոտելլին դուբլի հեղինակ դարձավ

Իտալական «Միլան»-ի նորեկ Մարիո Բալոտելլին «Ուդինեզե»-ի հետ կայացած խաղում դուբլի հեղինակ դարձավ: Իտալացի հարձակվողը հանդիպման 25' բացեց խաղի հաշիվը:

Այնուհետև՝ հանդիպման երկրորդ կեսին, Ջամպիերո Պիցիի ջանքերով հյուրերը հավասարեցրին խաղի հաշիվը: Սակայն հանդիպման ելքը վճռվեց խաղի  վերջին րոպեին, երբ հանդիպման գլխավոր մրցավարը վիճելի 11 մետրանոց հարված նշանակեց «Ուդինեզե»-ի դարպասին, որն էլ անվրեպ իրացրեց Բալոտելլին:

Հանդիպումից հետո կայացած մամուլի ասուլիսի ժամանակ «Միլան»-ի գլխավոր մարզիչ Մասսիմիլիանո Ալլեգրին խոստովանեց, որ 11 մետրանոց իրականում չկար, սակայն եղածը եղած է: Նա անդրադարձավ նաև Բալոտելլիի խաղին. «Բալոտելլին, չնայած իր երիտասարդ տարիքին, բավական լավ է խաղում, սակայն նա դեռ շատ տեղ ունի առաջ գնալու: Կարող եմ ասել մեր բախտը բերեց, քանի որ սկզբում մենք մտադիր չէինք նրան հիմնական կազմում խաղացնել»: