Ջոն Քերին պաշտոնը ստանձնելու է գաղտնիության պայմաններում

Ջոն Քերին ԱՄՆ պետքարտուղարի պաշտոնը ստանձնելու է գաղտնիության պայմաններում, անգամ չի նշվում այն վայրը, որտեղ տեղի է ունենալու նրա երդման արարողությունը. տեղեկացնում է РИА Новости-ն:

«Ես ասել եմ, որ դա մասնավոր արարողություն է, որը կանցկացնի դատավոր Քեյգանը (Գերագույն դատարանի դատավոր): Եվ քանի որ այն մասնավոր է, նշանակում է` նրանք որոշել են, որ այն այդպիսին է լինելու: Եթե նրանք ցանկանային, որ այն բաց լիներ մամուլի համար եւ այդ մասին տեղեկացնեին աշխարհին, նրանք դա կանեին»,- ճեպազրույցում ասել է պետքարտուղարության մամուլի քարտուղար Վիկտորյա Նուլանդը:

Նա նաեւ նշել է, որ Քերիի` պաշտոնը ստանձնելու երկու արարողության մամուլը կմասնակցի` երկուշաբթի օրը նրա ժամանումը պետդեպարտամենտ, ապա` պաշտոնավարման առաջին շաբաթվա ընթացքում` երդման հրապարակային արարողություն: