Րաֆֆի Հովհաննիսյանը շատ բան է սովորել ''Ֆեյսբուքից''

ԵՊՀ դասախոս, ֆեյսբուքյան օգտատեր Նունե Թովմասյանն այսօր կայացած զրույց-հանդիպման ժամանակ նախագահի թեկնածու Րաֆֆի Հովհաննիսյանից հետաքրքրվեց, թե որքանո՞վ է նա  կարևորում «Ֆեյսբուքի» դերը:

«Ֆեյսբուքյան տարածքը մատնում է իմ անգրագիտությունը: Ես «Ֆեյսբուք»-ում չեմ եղել: Ես պիտի մտնեմ ինքս, որովհետեւ «Ֆեյսբուքը» միայն վիրտուալ տարածք չէ:  «Ֆեյսբուքը» ինքը ամբողջական դեղատոմս չէ եւ չի կարող լուծել մեր երկրի բոլոր հարցերը: Բայց այն ունի նաեւ հզոր հնարավորություն ինքնակազմակերպվելու: Ես վերջին 10 օրվա ընթացքում շատ բան եմ սովորել «Ֆեյսբուք»-ից, սովորել եմ արդար քննադատություն»,- ասաց նախագահի թեկնածուն:

Մեկ այլ օգտատեր էլ` «Ես» ամսագրի գլխավոր խմբագիր Անի Քոչարը, հարցրեց թեկնածուից, թե  հաշմանդամություն ունեցող անձանց  խնդիրներին ի՞նչ լուծումներ է առաջարկում: «Հաշմանդամությունը միայն հատկանիշ է,  այն բնավ չի նկարագրում մարդու քաղաքացիական նախաձեռնությունը կամ մասնագիտական հեռանկարը: Ես կարծում եմ, որ Հայաստանը պետք   հավասար պայմաններ ստեղծի հաշմանդամություն ունցեղ քաղաքացիների համար»,- պատասխանեց Հովհաննիսյանը: