Իսրայելի նոր վարչապետի պաշտոնում դարձյալ առաջադրվել է Նեթանյահուն

Իսրայելական Կնեսետում մեծամասնություն կազմող կուսակցություններն առաջարկել են երկրի նախագահ Շիմոն Պերեսին` հանձնարարել Բենիամին Նեթանյահուին ձեւավորել նոր կառավարություն, ինչը, ամենայն հավանականությամբ, տեղի կունենա շաբաթ օրը. տեղեկացնում է РИА Новости-ն:

Ըստ օրենքի` պետության ղեկավարը երեկ ավարտել է հունվարի 22-ի ընտրությունների արդյունքում խորհրդարանում հայտնված 12 միավորումների հետ խորհրդակցությունները: Կուսակցությունների առաջնորդների հայտարարություններից երեւում է, որ 6 կուսակցություն առաջարկել են Նեթանյահուի թեկնածությունը. նրանք 82 տեղ ունեն Կնեսետում: Մյուս կուսակցությունները ձեռնպահ են մնացել առաջարկություններից: