Նեթանյահուն նշել է Իսրայելի՝ Իրանի հետ կապված հիմնական խնդիրը

Իսրայելի գերխնդիրը Իրանին խոչընդոտելն է սեփական միջուկային զենքը ստեղծելու գործում: Այս մասին մայիսի 24-ին հայտարարել է Իսրայելի վարչապետ Բինյամին Նեթանյահուն «Մոսադի» գործակալներին մրցանակների հանձնման արարողության ժամանակ:

«Որպեսզի «Մոսադը» և Իսրայել Պետությունը շարունակեն նվաճումների ուղին, անհրաժեշտ է երաշխավորել Իսրայելի անվտանգությունը: Յուրաքանչյուրիդ համար առաջին գերխնդիրը կանխելն է, որ Իրանը միջուկային զինանոց ձեռք չբերի»,– ասել է Նեթանյահուն։

Այս գաղափարն անվանելով Իսրայելի «բարձրագույն առաքելություն»՝ Նեթանյահուն հիշեցրել է, որ Միացյալ Նահանգների հետ բարեկամություն իր երկրի ազգային անվտանգության մաս է: Բայց ամեն ինչում չի կարելի ապավինել Վաշինգտոնին. Իրանի կողմից սպառնալիք առաջանալու դեպքում կարող են պահանջվել Իսրայելի կողմից կոշտ միջոցներ: Ըստ Նեթանյահուի՝ այս սպառնալիքը գոյություն ունի այնքան ժամանակ, քանի դեռ կա իրանական միջուկային զենքի ռիսկը: