Թրամփը և Նեթանյահուն հաստատել են ուժեղ և հատուկ կապը ԱՄՆ-ի և Իսրայելի միջև. Սպիտակ տուն

ԱՄՆ նախագահ Դոնալդ Թրամփը հանդիպում է ունեցել Իսրայելի վարչապետ Բինյամին Նեթանյահուի հետ, որի ժամանակ երկու առաջնորդները հաստատել են ԱՄՆ-ի ու Իսրայելի միջև ուժեղ և հատուկ կապը: Այդ մասին հայտնում է РИА Новости-ն` Սպիտակ տանը հղումով:

«Երկու երկրների առաջնորդները հաստատել են ԱՄՆ-ի ու Իսրայելի միջև ուժեղ և հատուկ կապը: Նախագահ Թրամփը և վարչապետ Նեթանյահուն քննարկել են  մի շարք հարցերում ուժեղացված համագործակցությունում փոխադարձ հետաքրքրվածությունը»,- ասվում է տեքստում:

Հիշեցնենք, որ երեկ Թրամփը Նեթանյահուի ներկայությամբ ստորագրեց որոշում, որով ԱՄՆ-ը ճանաչում է Իսրայելի ինքնիշխանությունը Գոլանի բարձունքների նկատմամբ: