''Զվարթնոց'' օդանավակայանը լավագույնն է ԱՊՀ տարածքում

Երեւանի «Զվարթնոց» միջազգային օդանավակայանը լավագույնն է ճանաչվել ԱՊՀ տարածքում Դուբայում անցկացված ամենամյա համաժողով-ցուցահանդեսի ժամանակ. տեղեկացնում է armtoday.info-ն:

«Զվարթնոցը» առաջադրվել է օդանավակայանների զարգացող շուկաների Emerging Markets Airports Award մրցանակին Դուբայում գործող Arabian Reach կազմակերպության կողմից:

ԱՊՀ-ից ներկայացված են եղել նաեւ Մոսկվայի «Դոմոդեդովո», «Շերեմետեւո», Սանկտ Պետերբուրգի «Պուլկովո» եւ Բիշքեկի «Մանաս» օդանավակայնները: Քվեարկությունը տեւել է ամսից ավելի:

Մրցանակի հանձնման արարողության ժամանակ այն ստացել է «Հայաստան. միջազգային օդանավակայաններ» ՓԲԸ-ի գլխավոր մենեջեր Մարսելո Վենդեն: