Անգելա Մերկելը փետրվարին կայցելի Թուրքիա

Գերմանիայի կանցլեր Անգելա Մերկելը փետրվարի 25-ին կայցելի Թուրքիա. տեղեկացնում է TRT Russian-ը: Մերկելը հանդիպելու է Թուրքիայի նախագահ Աբդուլլահ Գյուլի եւ վարչապետ Ռեջեփ Թայիփ Էրդողանի հետ:

Այցի ընթացքում երկկողմ հարաբերություններին առնչվող հարցերից բացի, կքննարկվեն Թուրքիայի ԵՄ լիիրավ անդամության հարցը, Սիրիայի իրադարձությունները եւ Patriot հակահրթիռային պաշտպանության համակարգերը Սիրիայի սահմանին տեղակայելու հարցը:

Մերկելից բացի, փետրվարին ծրագրում են Թուրիքա այցելել նաեւ Գերմանիայի ներքին գործերի նախարարը եւ նեոնացիստների կատարած հանցագործությունները հետաքննող խորհրդարանական հանձնաժողովի անդամները: