Անգելա Մերկելը՝ Եվրոպայի կայսրուհի. The Washington Post

The Washington Post-ում հոդված է հրապարակվել, որում, կարելի է ասել, ներկայացված է Գերմանիայի կանցլեր Անգելա Մերկելի համառոտ բնութագիրը. հայտնում է inopressa.ru-ն:

«Սկսնակ քաղաքական գործիչների համար նախատեսված դասագրքում Գերմանիայի կանցլեր Անգելա Մերկելը հեշտությամբ կարող էր ներկայացվել որպես բացասական կերպար»,- գրում է The Washington Post-ի հոդվածագիր Էնն Էփլբաումը:

«Նա բարեհամբույր չէ ԶԼՄ-ների հետ, չունի խարիզմա, չի հետևում իր կազմվածքին, վատ է հագնվում: Մերկելի ընտրարշավները ձանձրալի են, իսկ անձնական կյանքն` էլ ավելի ձանձրալի: Եվ չնայած այդ ամենին՝ Մերկելը երրորդ անգամ ընտրվել է կանցլեր, հետևաբար՝ նաև ողջ Եվրոպայի առաջնորդ: Կամ ճիշտ կլինի ասել Եվրոպայի կայսրուհի, քանի որ իրականում Մերկելը ոչ թե ղեկավարում է, այլ թագավորում»,- գրում է հոդվածագիրը:

«Նա մարմնավորում է այն, ինչ դուր է գալիս գերմանացիներին. առաջնորդություն առանց դրամատիզմի: Մերկելի շնորհիվ Գերմանիան կարող է բոլորի համար աննկատ  Եվրոպայում իշխող ուժը դառնալ»,- եզրափակում է հեղինակը: