''Բոինգ''-ը դադարեցնում է Dreamliner-ների մատակարարումը

Ամերիկյան «Բոինգ» կոնցեռնը դադարեցնում է Boeing 787 Dreamliner-ների մատակարարումը պատվիրատուներին: Մատակարարումը չի վերսկսվի այնքան ժամանակ, քանի դեռ մասնագետները չեն հայտնաբերել, թե որն է տվյալ ինքնաթիռների տեխնիկական անսարքությունների պատճառը. տեղեկացնում է Associated Press-ը:

Երեկ «Բոինգ»-ը պաշտոնական հայտարարություն է տարածել, որում վստահեցնում է, որ համոզված է  Dreamliner-ների անվտանգության մեջ: 

Հիշեցնենք, որ Եվրամիության երկրները, Ճապոնիան, ԱՄՆ-ը եւ Հնդկաստանը դադարեցրել էին այդ ինքնաթիռների թռիչքները դրանց հետ կապված արտակարգ իրադրությունների պատճառով:

Մեկ Dreamliner-ն արժե մոտ 200 մլն դոլար: Դրա շնորհանդեսը տեղի է ունեցել 2007-ի հուլիսին, մշակման վրա ծախսվել է 32 մլրդ դոլար: