Ընկել է գնացքից ու 7 կմ վազել ցրտին

ՌԴ տրանսպորտային ոստիկանության աշխատակիցները փորձում են պարզել, թե ինչպես է Մոսկվա-Ներյունգրի մարդատար գանցքից ուղեւոր դուրս ընկել: Երջանիկ պատահականությամբ` 42-ամյա տղամարդը ողջ է մնացել. տեղեկացնում է Интерфакс-ը:

Ուղեւորի խոսքերով` ինքը տամբուրում ծխելիս է եղել, երբ պատահաբար բացվել է դրա դռներից մեկը, որը, չգիտես ինչու, կողպված չի եղել: Եվ տղամարդը հայտնվել է ռելսերին, մթության մեջ, շրջապատված տայգայով: 40 աստիճան ցրտի պայմաններում նա, ընդամենը սպորտային հագուստով, վազել է գնացքի հետեւից, սակայն հասնել չի կարողացել: Տղամարդը 7 կմ վազել է մինչեւ մոտակա կայարանը, որտեղ նրան օգնությւն են ցուցաբերել: