Չեն փոխվել

Առաջին բանը, որ այս օրերին մտքովդ անցնում է, այն է, որ առջեւում հանգիստ ու խաղաղ քարզարշավ է, եւ որ նույն հանգստությամբ էլ անցնելու են նախագահական ընտրությունները: Այս տեսակետին, կարծես, այնքան էլ համամիտ չէ ԱԺ ՀՀԿ խմբակցության քարտուղար Հովհաննես Սահակյանը:

Yerkir.am-ի հետ զրույցում նա նախ չհամաձայնեց դիտարկմանը, որ, ըստ էության, ՀՀԿ-ի քարոզարշավը լինելու է իմիջիայլոց քարոզարշավ, եւ հայտարարեց. «Մենք մեր քարոզարշավն իրականացնելու ենք այն տեմպով եւ այն ծրագրերով, որը մտածել եւ նկատի ենք ունեցել, անգամ առաջադրումներից 3-4 ամիս առաջ: Որեւէ բան մեզ մոտ չի փոխվել: Մենք երբեք իմիջիայլոց քարոզարշավ չենք արել»:

ԱԺ ՀՀԿ խմբակցության քարտուղարը համոզված է, որ այս ընտրությունները հույսի ընտրություններ են: «2013թ. նախագահական ընտրությունները մեր հանրության մոտ հույսի եւ հավատի վերականգնման ընտրություններ են: Բոլորը հույսը կապում են այս ընտրությունների հետ»,- հայտարարեց նա: