Սիրիացի փախստականներին կերակրելու համար անհրաժեշտ է 136 մլն դոլար

ՄԱԿ-ի Պարենի համաշխարհային ծրագիրը (ՊՀԾ) տեղեկացնում է, որ սննդամթերքի անբավարարության հետեւանքով Սիրիայից հարյուրհազարավոր պարտադրված տեղահանվածներ թերսնվում են, ընդ որում` ոչ միյան երկրի ներսում, այն նաեւ Հորդանանում, Իրաքում, Լիբանանում եւ Թուրքիայում:

ՊՀԾ-ին հաջողվում է կերակրել միայն մոտ 1,5 մլն սիրիացու, սակայն մոտ 1 միլիոնն էլ օգնություն չի ստանում. տեղեկացնում է Mignews.com-ը: ՄԱԿ-ը չի կարողանում ակտիվացնել իր գործունեությունը Սիրիայի տարբեր շրջաններում` շարունակական բախումների պատճառով:

ՊՀԾ-ի հաշվարկներով` մինչեւ տարվա կեսը սիրիացի փախստականներին սննդամթերքով ապահովելու համար անհրաժեշտ է առնվազն 136 մլն դոլար: