Նախագահի թեկնածուն առաջարկում է գործող նախագահին միայնակ թողնել

«Ազգային համաձայնություն» կուսակցության նախագահ, ՀՀ նախագահի թեկնածու Արամ Հարությունյանը բոլոր թեկնածուներին առաջարկում է օրենքով սահմանված ժամկետում հանել թեկնածությունները՝ գործող նախագահին միայնակ թողնելով, ով, ըստ նրա, 50% ձայն չի ստանա: 

Հարությունյանը համարում է, որ հավասար մրցակցային պայմաններ չկան, եթե լինեն` ինքը պատրաստ է  բոլորի հետ բանավիճել: 
«Ազգային համաձայնություն» կուսակցության նախագահի կարծիքով` ընտրությունների երկրորդ փուլ հաստատ պետք է լինի, իսկ այդ ժամանակ ինքը պատրաստ է  կանգնել նրա կողքին, ով դուրս կգա Սերժ Սարգսյանի դեմ:

Հարությունյանի գլխավոր խնդիրն այս իշխանությունից ազատվելն է: Նախընտրական կարգախոսներն են` «Հանուն հավերժական Հայաստանի»,  «Ես ձեզնից մեկն եմ»: ՀՀ նախագահի թեկնածուն քարոզարշավի ընթացքում այլ կարգախոսներ էլ կունենա: