Զինյալները սպառնում են հարձակում գործել Ուկրաինայի եւ Ռուսաստանի դեսպանատների վրա

Հոկտեմբերին Սիրիայի տարածքում ուկրաինացի լրագրող Անհար Կոչնեւային առեւանգած զինյալները հիմա էլ սպառնում են հարձակում գործել Ուկրաինայի եւ Ռուսաստանի դիվանագիտական ներկայացուցչությունների վրա, նաեւ հաշվեհարդար տեսնել այդ երկրների քաղաքացիների հետ: Զինյալների հայտարարությունը հայտնվել է «Ուկրաինա» հեռուստաալիքի ձեռքում. տեղեկացնում է РИА Новости-ն:

Երեկ Ուկրաինայի ԱԳՆ-ն կոչ էր արել Դամասկոսին ավելի ակտիվ գործել Կոչնեւային ազատելու եւ մեղավորներին պատժելու ուղղությամբ:

«Ուկրաինայի եւ Ռուսաստանի դեսպանությունները, այդ երկրների քաղաքացիները, ինչպես նաեւ իրանցիները այսուհետ լինելու են մեր ավարը եւ մեր բոլորի ուժերի թիրախը: Մենք կոչ ենք անում Սիրիայից ողջ դուրս չթողնել ո'չ ուկրաինացու, ո'չ ռուսի, ո'չ էլ իրանցու: Մենք դա ասում ենք ի պատասխան Ուկրիանայի ԱԳՆ-ի հայտարարության` լրտեսուհի Անհար Կոչնեւայի մասին, որը զենք էր կրում եւ ռուս սպաների թարգմանչուհին էր»,- ասվում է սիրիացի ապստամբների հայտարարության մեջ:

Կոնչեւան Սիրիա էր ժամանել հակամարտությունը սկսվելուց անմիջապես հետո, Утро.ру-ի արտահաստիքային թղթակցին էր եւ ուղեկցում էր Սիրիա ժամանծ ուկրաինացի լրագրողներին: Նա համագործակցում էր նաեւ ռուսաստանյան ԶԼՄ-ների հետ: Կոչնեւայի` համացանցում հայտնված վերջին տեսաուղերձում, նա հայտարարում է, որ աշխատել է ռուսաստանյան հատուկ ծառայությունների համար: Լրագրողի ընկերուհին` ՌԴ Պետդումայի նախկին պատգամավոր Դարյա Միտինան երեկ հայտարարել է, որ առեւանգողները սպառնում են հինգշաբթի օրը սպանել Կոչնեւային, եթե նրա համա փրկագին չվճարվի: