Խարկով, Խերսոն և Կիև. Ուկրաինայի հետախուզությունը նշել է այն քաղաքները, որոնց հարձակում է սպառնում

Ռուսաստանը կանգ չի առնի Դոնբասում և կարող է հետագա հարձակում սկսել Ուկրաինայի տարածքում. հայտարարել են Ուկրաինայի հետախուզության ներկայացուցիչները նախագահական նստավայրում կայացած հանդիպման ժամանակ։ Այս մասին գրում է «Ուկրաինսկայա պրավդան»՝ հղում անելով սեփական աղբյուրներին։

«Ուկրաինական հետախուզությունը ապացույցներ ունի, որ Ռուսաստանը չի պատրաստվում կանգ առնել Դոնբասում և ցանկանում է շարունակել ռազմական էսկալացիան։ Ըստ հետախուզության աշխատակիցների՝ առաջին հերթին վտանգի տակ են Խարկովը, Խերսոնը և Կիևը»,- գրում է թերթը։

Հանդիպման ընթացքում տեղեկություն է հնչել առաջիկա երկու օրերին Դոնբասում իրավիճակի հավանական վատթարացման մասին։