Փոփոխությունները ոստիկանությունում շարունակվում են

Կադրային փոփոխությունները ոստիկանությունում շարունակվում են:

Yerkir.am-ին տեղեկացրին, որ ոստիկանության ներքին անվտանգության վարչության հաշվառման և վերլուծության բաժնի պետ, ոստիկանության փոխգնդապետ Կարեն Հովհաննիսյանն ազատվել է զբաղեցրած պաշտոնից` նշանակվելով ոստիկանության Քանաքեռ-Զեյթունի բաժնի պետի պաշտոնին:

Ոստիկանության Կոտայքի մարզային վարչության պետ, ոստիկանության գնդապետ Գրիշա Բադալյանն ազատվել է զբաղեցրած պաշտոնից` գրանցվելով կադրային ռեզերվում:

Ոստիկանության քրեական հետախուզության գլխավոր վարչության պետի տեղակալ, երրորդ վարչության պետ, ոստիկանության գնդապետ Արմեն Վաթյանը ազատվել է զբաղեցված պաշտոնից` նշանակվելով ոստիկանության Կոտայքի մարզային վարչության պետ:

ՊՆ-ից տեղափոխված Արսեն Կյուրեղյանը նշանակվել է ՃՈ Երևանի թիվ մեկ հաշվառման քննական բաժանմունքի պետ, նրան շնորհվել է ոստիկանության գնդապետի կոչում:

Ոստիկանության գնդապետ Տիգրան Գալստյանը նշանակվել է ոստիկանության Գեղարքունիքի մարզային վարչության Վարդենիսի բաժնի պետի պաշտոնին. նա նախկինում եղել է կադրերի ռեզերվում:

Ոստիկանության փոխգնդապետ Գուրգեն Գինոսյանն ազատվել է ոստիկանության Գեղարքունիքի մարզային վարչության Մարտունու բաժնի պետի պաշտոնից` գրանցվելով ոստիկանության կադրերի ռեզերվում, իսկ նրան փոխարինել է ոստիկանության մայոր Վահան Մարգարյանը, ով նախկինում եղել է նույն բաժնի պետի օպերատիվ գծով տեղակալը:

Ոստիկանության գնդապետ Գագիկ Պարեմուզյանը ազատվել է Գեղարքունիքի մարզային վարչության Սևանի բաժնի պետի պաշտոնից` գրանցվելով կադրերի ռեզերվում: Այդ պաշտոնին նշանակվել է գնդապետ Գագիկ Վարդանյանը, նա ևս նախկինում գրանցված է եղել կադրերի ռեզերվում: