Ոստիկանությունում շարունակվում են կադրային փոփոխությունները

ՀՀ ոստիկանության համակարգում կադրային փոփոխությունները շարունակվում են: Օրերս ՀՀ ոստիկանության պետ Վլադիմիր Գասպարյանի հրամանով Մալաթիայի բաժնի պետի տեղակալ է նշանակվել Արմեն Մելոյանը, ով մինչ այդ աշխատել է ՁՊՎ-ում: Այս տեղեկությունը yerkir.am-ի հետ զրույցում հաստատեցին ՀՀ ոստիկանության հասարակայնության հետ կապերի և լրատվության վարչությունից: Նշենք, որ մարտի 5-ին Վլադիմիր Գասպարյանի հրամանով Մալաթիայի ոստիկանապետ էր նշանակվել նույն բաժնի օպերատիվ գծով տեղակալ Արթուր Զոհրաբյանը:

Կադրային փոփոխություններ են տեղի ունեցել նաև կազմակերպված հանցավորության դեմ պայքարի գլխավոր վարչությունում: Մասնավորապես` Կարեն Մարգարյանը նշանակվել է կազմակերպված հանցավորության դեմ պայքարի գլխավոր վարչության, թմրամիջոցների անօրինական շրջանառության դեմ պայքարի վարչության պետի տեղակալ:

Հիշեցնենք, որ նախորդ շաբաթ Վլադիմիր Գասպարյանի հրամանով մի քանի մարզային ոստիկանապետեր էին պաշտոնանկ արվել, և նրանց փոխարեն նշանակվել էին նորերը: