Ոստիկանության կառուցվածքն էլ է փոխում

Պարզվում է` նորանշանակ ոստիկանապետ Վլադիմիր Գասպարյանը համակարգում ոչ միայն կադրային, այլեւ կառուցվածքային լուրջ փոփոխություններ է ցանկանում անել: Լուրը «Երկիր»-ի հետ զրույցում հաստատեց ոստիկանության հասարակայնության հետ կապերի եւ լրատվության վարչության պետ Աշոտ Ահարոնյանը:

«Անցկացվում են քննարկումներ, նախատեսվում են համակարգի կառուցվացքային եւ կառավարման այնպիսի փոփոխություններ, որոնք աշխատանքներն ավելի արդյունավետ կդարձնեն եւ կբացառեն ստորաբաժանումների` նույն գործառույթ իրականացնելը»,- նշեց նա:

Ահարոնյանը հաստատեց մամուլում շրջանառվող այն լուրերը, թե քննարկվում է 6-րդ եւ քրեական հետախուզության գլխավոր վարչությունների միավորման եւ ոստիկանապետին կից նոր մարմնի ձեւավորման հարցերը: