Թուրքիան պետք է բարելավի հարաբերությունները Հայաստանի հետ. Սաբինա Ֆրեյզեր

Թուրքիան շատ կարեւոր դերակատարություն ունի Հարավային Կովկասում, նաեւ հետաքրքիր առաջարկներ Ղարաբաղյան հակամարտության կարգավորման վերաբերյալ. այսօր ադրբեջանցի լրագրողներին ասել է Միջազգային ճգնաժամային խմբի եվրոպական ծրագրերի տնօրեն Սաբինա Ֆրեյզերը:

Սակայն, ըստ նրա, Թուրքիային շատ դժվար կլինի առաջ տանել իր գաղափարները, քանի դեռ Հայաստանի հետ փակ սահմանների խնդիր ունի. տեղեկացնում է 1 news.az-ը:

«Մենք գիտենք, որ դեռ օրակարգում է երկու երկրների միջեւ սահմանը բացելու հարցը, եւ եթե Թուրքիան ցանկանում է դրական դեր խաղալ Ղարաբաղյան հակամարտության կարգավորման գործում, ապա պետք է անպայման բարելավի հարաբերությունները Հայաստանի հետ: Այլապես նրա բոլոր առաջարկները այդպես էլ կմնան առաջարկներ»,- ընդգծել է Ս. Ֆրեյզերը: