Տուժածների վիճակը բավարար է

Սննդային թունավորման նախանշաններով հոկտեմբերի 28-ին Վայոց ձորի Եղեգնաձոր քաղաքի հիվանդանոց են տեղափոխվել Չիվա գյուղի բնակիչներ`1967 թվականին ծնված Արիստակես, 1992 թվականին ծնված Նարինե Ասատրյանները և 1975 թվականին ծնված Մաքրուհի Պետրոսյանը: Նախնական տվյալներով` տուժածները թունավորվել են պահածոյից:

Իսկ քացախաթթվից թունավորումով Ջերմուկ քաղաքի հիվանդանոց է տեղափոխվել Ջերմուկ քաղաքի բնակիչ, 1948 թվականին ծնված Վալիտովա Բիբի-Սարա-Գիլֆանովան:

Հոկտեմբերի 28-ին` ժամը 08.00-ին, դեղորայքային թունավորման նախանշաններով «Արմենիա» բժշկական կենտրոն է տեղափոխվել Երևան քաղաքի Իսակովի պողոտայի թիվ 4/2 շենքի 10-րդ բնակարանի բնակիչ, 1987 թվականին ծնված Լուսիկ Հակոբյանը:

Բոլոր տուժածների առողջական վիճակը բավարար է. հայտնում է ԱԻՆ «Արտակարգ ալիք» լրատվականը: