ՀԱՅՈՑ ԱՇԽԱՐՀ. ՀԱԿ-ի ներսում փոթորի՞կ է հասունանում

Թերթի տեղեկությունների համաձայն` այն բանից հետո, երբ Տեր-Պետրոսյանը հայտարարեց, որ արտահերթ ընտրությունները կոնգրեսի համար դադարել են այժմեական լինել, կենտրոնական գրասենյակում ուժգին խլրտոց է սկսվել: ՀԱԿ-ին մաս կազմող ուժերի ղեկավարներին արդեն մի քանի շաբաթ հետաքրքրում է մի հարց. եթե արտահերթ ընտրությունները այլեւս այժմեական չեն, նշանակում է գնում են հերթական ընտրությունների, եւ ուրեմն ժամանակն է սկսել քննարկումները նախընտրական ցուցակի ձեւավորման շուրջ:

Նրանց բնականաբար անհանգստացնում է հարցը, թե նախընտրական ցուցակում իրենց գլխավորած կուսակցություններն ինչ ներգրավվածություն են ունենալու, որ տեղերում են լինելու եւ այլն: Իրենց անչափ հուզող այս հարցի, եւ հատկապես ցուցակի ձեւավորման շուրջ քննարկումներ սկսելու անհրաժեշտության մասին կարծիքը նրանք հայտնել են կոնգրեսի համակարգող Լ.Զուրաբյանին` խնդրելով այն փոխանցել առաջնորդին: Տեր-Պետրոսյանը, իմանալով այդ մասին, «անթել հեռախոսի», այն է` Զուրաբյանի միջոցով մտահոգ զինակիցներին փոխանցել է հետեւյալը. «Դեռ դրա ժամանակը չէ»: