Գիտաժողով, որը կհամախմբի գիտնականներին

Նոյեմբերի 6-8-ը Երեւանում տեղի կունենա «Ազգ, պետություն, հայրենիք, պետականության գաղափարը» թեմայով` երիտասարդ գիտնականների միջազգային գիտաժողով` նվիրված Հայաստանի անկախության 20-ամյակին:

Հայաստանի երիտասարդական հիմնադրամի կողմից ֆինանսավորվող միջոցառմանը մասնակցելու համար Երեւան են ժամանելու ներկայացուցիչներ ԱՄՆ-ից, Ռուսաստանից, Մոլդովայից, Իտալիայից, Լեռնային Ղարաբաղից եւ այլ երկրներից:

Այսօրվա ասուլիսում Հայաստանի ազգային արխիվի փոխտնօրեն Էդգար Հովհաննիսյանը հույս հայտնեց, որ գիտաժողովը կդառնա պարբերական, եւ աստիճանաբար կընդլայնվի նաեւ մասնակիցների աշխարհագրությունը:

Իսկ գիտաժողովի նպատակը Հայաստանով հետաքրքրված, հայագիտությամբ եւ հայ ժողովրդի պատմությամբ զբաղվող հայ եւ օտարազգի գիտնականներին համախմբելն ու նրանց միջեւ կապերն ամրապնդելն է: