Կարլա Բրունին ծննդաբերել է

Ֆրանսիայի առաջին տիկինը` Կարլա Բրունի-Սարկոզին տղա է ունեցել: Այս տեղեկությունն այսօր տարածում են ֆրանսիական մի շարք ԶԼՄ-ներ` բարձրաշխարհիկ կյանքի մասին պատմող ամսագրեր, ինտերնետային կայքեր, սակայն Ելիսեյան պալատը որեւէ պաշտոնական տեղեկատվություն այդ կապակցությամբ չի հրապարակել:

Այն, որ Կարլա Բրունին ծննդաբերել է, արդեն 10-րդ անգամ է հայտարարվում: Ավելի լուրջ ԶԼՄ-ները` France Presse գործակալությունը, լրատվական հեռուստաալիքները, խոշոր թերթերն ու կայքերը լռում են:

Տեղեկություն, թե Բրունին տղա է ունեցել եւ անունն էլ կնքել է Վադիմ հոկտեմբերի 12-ին տարածել էր նաեւ RTL ռադիոկայանը, սակայն նույն օրը հղի Բրունիին տեսել էին Փարիզի խանութներից մեկում` մանկական մահճակալ գնելիս:

Եթե այսօրվա տեղեկատվությունը ճիշտ է, ուրեմն Կարլա Բրունին երկրորդ անգամ է մայրացել, իսկ Նիկոլա Սարկոզին քառակի հայր է: