Տղամարդը պատրաստվում է ծննդաբերել

24-ամյա մի իսրայելցի շոկի մեջ է գցել բժիշկներին. նա հայտնել է, որ փոխել է սեռը, սակայն արդեն 7 ամսական հղի է: Նախկինում կին, ներկայումս տղամարդը ամուսնացած է այլ տղամարդու հետ:

Ինչպես տեղեկացնում է իսրայելական «Եդիոտ Ախրոնոտ» թերթը, հղի տղամարդը խնդրել է իր անունը չհրապարակել: Երեք տարի առաջ նա սեռի փոխման ծանր վիրահատություն է անցել ԱՄՆ-ում, հեռացրել է կուրծքը, սակայն սեռական օրգանները որոշել է պահպանել, այդ պատճառով հնարավոր է դարձել նրա հղիությունը:

Տղամարդու ընկերներն ասում են, որ նա հոգեբանական ծառայություն է մատուցում այն դեռահասներին, որոնք դեռ չեն կողմնորոշվել իրենց սեռական նույնականացման հարցում: