Թուրքիան Ադրբեջանին ռազմական օգնություն կցուցաբերի

Թուրքիան կշարունակի Ադրբեջանին ռազմական օգնություն ցուցաբերել, կադրեր պատրաստել եւ ամեն հարցում աջակցել. այսօր հայտարարել է Ադրբեջանում պաշտոնական այցով գտնվող Թուրքիայի պաշտպանության նախարար Իսմեթ Յըլմազը:

Ըստ 1news.az-ի` նախարարը նշել է, որ երկու երկրների միջեւ հարաբերությունները հաջող են զարգանում: «Մենք չունենք որեւէ քաղաքական խնդիր: Բոլոր միջազգային կազմակերպություններում ու կառույցներում մեզ ընդունում են որպես, Հեյդար Ալիեւի խոսքերով, մեկ ազգ, երկու պետություն»,- նշել է Յըլմազը:

Նա ընդգծել է երկու երկրների միջեւ ստորագրված` ռազմավարական գործընկերության եւ փոխօգնության մասին պայմանագրի կարեւորությունը, նաեւ հավելել, որ ստեղծվել է Ռազմավարական խորհուրդ, որի նիստերից մեկը կանցկացվի Բաքվում, մյուսը` Ստամբուլում: