Քոչարյանին "պադերժկա" չեն անի

Քոչարյանը ՀԱԿ-ի համար մարված քարտ է. նրան հիշում ենք այն ժամանակ, երբ ինքն է իր մասին հիշեցնում. այսօր ՀՀԿ-ական Ռաֆիկ Պետրոսյանի հետ համատեղ ասուլիսում հայտարարեց ՀԱԿ անդամ Ֆելիքս Խաչատրյանը:

Ի պատասխան` Ռաֆիկ Պետրոսյանը հավելեց, որ չէր ասի, թե Քոչարյանը մարված քարտ է:

«Նա դեռ տարիքով երիտասարդ, դեռեւս գործուն մարդ է եւ իրավունք ունի առաջադրել իր թեկնածությունն ու մասնակցել երկրի քաղաքական կյանքին: Բայց Ռոբերտ Քոչարյանը մեր կուսակցության անդամը չէ, եւ Հանրապետական կուսակցությունից ոչ ոք նրան պադերժկա չի անի, որովհետեւ մենք ունենք մեր թեկնածուն` Սերժ Սարգսյանին, որին մինչեւ վերջին րոպեն պետք է պաշտպանենք»,- վստահեցրեց հանրապետական գործիչը: